Елена Рыбакина Мастерс турнирінің үшінші айналымына жолдама алды

Еліміздің бірінші ракеткасы Елена Рыбакина Индиан Уэллс (Калифорния штаты, АҚШ) қаласында өтіп жатқан жарыстың үшінші айналымына жолдама алды

Екінші айналым барысында жергілікті спортшы София Кенинді (#170) 7:6 (6), 7:6 (5) есебімен жеңген Елена келесі кезеңде испаниялық Пауло Бадосамен (#21) кездеседі.

Еленаның АҚШ жеріндегі алғашқы кездесуі 2 сағат 10 минутқа созылды.

Айта кетейік, Индиан Уэллс турнирі сериялық Masters турнирлерінің қатарына кіреді. Жарыстың жалпы жүлде қоры 8 800 000 АҚШ доларын құрайды, және жеңімпаз 1000 рейтинг ұпайына ие болады. Турнир 19 наурызға дейін жалғасады. 

Турнирдің жеңімпазы - Әлемнің бірінші ракеткасы Ига Швентек (Польша)