Жазира Орақбаева Әлем Чемпионатын жеңіспен бастады
Үндістан астанасы Нью-Дели қаласында әйелдер арасындағы Әлем Чемпионаты басталды.
Жарыстың алғашқы күні шаршы алаңға шықққан ұлттық құрама мүшесі Жазира Орақбаева әлем біріншілігін жеңіспен бастап, екінші кезеңге жолдама алды.
19 жасар тайпейлік Чанг Чиа-Хсунмен жекпе-жекке шыққан отандасымыз алғашқы раунд барысында қарсыласын бағамдаумен өткізді. Екінші раундта басымдықты қолға алып, соққыларын дә тигізген Жазира тайпейлік спортшыға екі бірдей нокдаун беріп, есеңгіретіп тастады. Үшінші раунд басталған сәтте тура соққыларын тигізе бастаған сәтте Фиджи елінен келген төреші кездесуді тоқтатты.
Айта кетейік, Қазақстан құрамасы Әлем біріншілігінде толық құрамда (12 салмақ дәрежесі) өнер көрсетеді.
Әйелдер арасындағы Әлем Чемпионатын күн сайын «Qazsport» телеарнасының тікелей эфирінен 14:30 және 18:30-да тамашалай аласыздар. Үндістандағы жаһандық дода 26 наурызға дейін жалғасады.
