Пара дзюдодан Қазақстан құрамасы Азия чемпионатына қатысады

28-30 сәуір күндері Астанада пара дзюдодан Азия чемпионаты өтеді. Құрлықтық біріншілікке Азияның 11 елінен 80-нен астам татами шебері қатысады.

Аталған жарыста Қазақстан ұлттық құрамасынан J1 және J2 санаты бойынша 22 дзюдошы бақ сынайды.

«Азия чемпионатына дайындық тыңғылықты жүріп жатыр. Қазіргі таңда құрама Алматыда жарыс алдындағы соңғы қорытынды жаттығу жиынында шеберліктерін шыңдауда. Азия чемпионатына қатысатын спортшылар қатарында тәжірибелі балуандар да, жас спортшылар да бар.

Биыл Шымкентте өткен Қазақстан кубогінде жаңа есімдер іріктеліп, құрама жасақталды. J1 санатындағы, көзі мүлдем көрмейтіндер санатындағы балуандар үшін бұл әлемдік дәрежедегі алғашқы біріншілік болайын деп тұр.

Құрлықтық бәсеке өз елімізде өтетін болғандықтан жауапкершілік өте жоғары. Спортшыларымыздың физикалық, психологиялық тұрғыдан жағдайлары жақсы. Елордамызда өтетін жарыста құрамадағы әрбір спортшы нәтижелі күрес көрсетеді, ел намысын абыроймен қорғайды деп сенемін», - дейді пара дзюдодан Қазақстан құрамасының бас бапкері Жандос Қиянов.

Айта кетерлігі, Азия чемпионаты Астана қаласындағы Жақсылық Үшкемпіров атындағы жекпе-жек сарайында өтеді.

Пара дзюдодан Азия чемпионатына қатысатын Қазақстан ұлттық құрамасының тізімі келесідей:

Әйелдер

J2 -48 кг: Ақмарал Науатбек

J1 -57 кг: Альфия Тілекқабыл, Дилором Диханова

J2 -57 кг: Даяна Федосова

J1 -70 кг: Динара Куджулова

J2 -70 кг Диана: Бөлекова

J1 +70 кг: Зәуре Айтек

Ерлер

J1 -60 кг: Мұрат Мадинов, Темірболат Ташекенов

J2 -60 кг: Ануар Сариев

J1 -73 кг: Ерғали Шамей, Асылан Нұрдаулетов

J2 -73 кг: Олжас Оразалылұлы, Азамат Нокушев

J1 -90 кг: Абылай Әділбеков, Бауыржан Арыстанбеков

J2 -90 кг: Жанбота Аманжол, Ғалымжан Смағұлұлы

J1 +90 кг: Ерлан Өтепов, Бағлан Оңалбек

J2 +90 кг: Ерлан Конкиев, Талғат Ажғалиев


Танымал жаңалықтар

Соңғы жаңалықтар

  • Дзюдо
Ерасыл Қажыбаев Qazaqstan Barysy Grand Slam турнирінің күміс жүлдегері атанды
Бақжан Байтас Qazaqstan Barysy Grand Slam турнирінде қола медальға ие болды
  • Дзюдо
Абылайхан Жұбаназар - Qazaqstan Barysy Grand Slam жарысының қола жүлдегері
Қазақстандық хоккейшілер Әлем чемпионатын жеңіспен бастады
Есет Қуанов «Grand Slam» турнирінде қола жүлдеге ие болды
Ғұсман Қырғызбаев Grand Slam Qazaqstan Barysy турнирінде күміс жүлдеге ие болды
Талғат Орынбасар Qazaqstan Barysy Grand Slam 2025 турнирінің күміс жүлдегері атанды
«Манчестер Юнайтед» Еуропа лигасының финалына шықты
Усман Дембеле енді «Алтын допқа» басты үміткер
Бекзат Алмахан мен Брэд Катона жекпе-жегі 11 мамырдағы UFC 315 турнирін ашады
Луис Энрике шәкірттері Чемпиондар Лигасының финалына шықты
«Интер» Чемпиондар лигасының финалына шықты
Әділбек Мусин халықаралық турнирде алтын медаль жеңіп алды
Дзюдодан Qazaqstan Barysy Grand Slam жарысына қатысатын Қазақстан құрамасы анықталды
«Қайрат» футзалдан Чемпиондар Лигасының күміс жүлдегері
Елордада бәйгеден Astana Cup республикалық турнирі өтті
Жәнібек Әлімханұлы әлемнің үздік 20 боксшысының қатарына енді
Сауль Альварес Уильям Скаллды жеңіп, абсолютті әлем чемпионы атанды
Ксения Прозорова ауыр атлетикадан жасөспірімдер арасында әлем чемпионы атанды
Әбиба Абужақынова Grand Slam турнирінде қола жүлдеге қол жеткізді