Қазақстан хоккейшілері жолдастық кездесуде Италия құрамасын екінші рет ұтты
Хоккейден Қазақстан құрамасы Италия спортшыларымен жолдастық матч өткізіп, 3:1 есебімен жеңіске жетті.
Ойында бірінші шайбаны Федор Полищук салып, бірінші кезең 1:0 есебімен аяқталған. Екінші кезеңде Алексей Воронцев пен Михаил Паньшин шайба салып, есепті еселеді. Осыдан кейін Италия құрамасының хоккейшілері бір шайба соғып, есепті қысқартты. Осылайша Андрей Назаров шәкірттері Италия хоккейшілерін қатарынан екінші жолдастық кездесуде ұтты.
Еске сала кетейік, кеше қазақстандық хоккейшілер қарсыластарын 2:0 есебімен жеңген еді.
