Польша топтық кезеңнен әрі аса алмады: Еуропа чемпионаты сегізінші жарыс күнінің қорытындысы
Германиядағы футболдан Еуропа чемпионатының сегізінші жарыс күні де мәресіне жетті.
Ойын күні Словакия - Украина матчымен басталып, есепті словакиялық футболшылар ашты. Гол авторы - Иван Шранц. Екінші таймда Украина алдымен Николай Шапаренконың көмегімен таразы басын теңестірсе, ойынның 80-минутында Роман Яремчук өз командасын есепте алға шығарды. Үш ұпай Украина құрамасының қоржынында.
Жанкүйерлер көз тіккен келесі Польша мен Аустрия командалары арасында өтті. Жасыл алаңға екі құрама да бірдей жағдайда шықты десе болады. Өйткені, бірінші турда Польша Нидерланд құрамасына есе жіберсе, Австрия Франциядан жеңілген. Есепті 9-минутта австриялық Гернот Траунер ашты. Кшештоф Пёнтек кездесудің 30-минутында таблодағы көрсеткішті теңестірді. Ал екінші таймда Австрияя 12 минут ішінде Польша қақпасына екі гол соқты. Кристоф Баумгартнер көз командасын алға шығарды. Артынша Войцех Щенсны қорғаған қақпаға пенальти тағайындалып, Марко Арнаутович оны жүзеге асырды. Австрия жеңісі, Польша топтық кезеңнен әрі аса алмады. Өйткені, ойын күніндегі келесі матчтың нәтижесі тікелей ықпал етті.
Нидерланд пен Франция. Польша құрамасының плей-оффқа таласын жалғастыруы үшін Нидерланд құрамасының жеңіске жетуі маңызды еді. Алайда екі құрама бір-бірінің қақпасынан саңылау таба алмай, ұпай бөлісті.
