Қазақстан құрамасы Аргентинадан ірі есеппен жеңілді
Футзалдан Қазақстан ұлттық құрамасы Өзбекстанда өтіп жатқан әлем чемпионатының 1/4 финалдық кезеңінде Аргентина құрама командасынан жеңіліп, жартылай финалға шыға алмады.
Кездесу Ташкент қаласындағы «Хумо Арена» спорт кешенінде өтті. Матчтың алғашқы таймында есеп ашылмады. Ал екінші таймның алғашқы минуттарынан бастап аргентиналық аяқдопшылар жауапсыз 4 допты қақпаға дәл тоғытты. Ал ұлттық құрама сапынан жалғыз голды Дәурен Тұрсағұлов салды. Кездесу соңына қарай аргентиналықтар шабуылды күшейтті.
Жалпы есеппен Қазақстан ұлттық құрамасы қарсыластарына 1-6 есебімен жол беріп, жарыс жолынан шықты.
