«Барыстың» жанкүйерлері үшін арнайы автобустар жүреді

3-ші, 5-ші және 7-ші қазанда «Барыс Арена» мұз сарайында Құрлықтық хоккей лигасының ойындары өтеді.

Астаналық «Барыс» Нижнекамсктің «Нефтехимик», Қазанның «Ак Барс», Тольяттидің «Лада» командаларымен шеберлік байқасады. Бұл күндері хоккей жанкүйерлері аренаға арнайы автобустармен жеткізіледі.

Автобустар сағат 18.00 «Қазақстан» спорт сарайының (Қажымұқан көшесі) тұрағында және «Нұр Астана» мешітінің (шығыс жағындағы тұрақ) жанында тұрады.

Арнайы рейстік автобустармен жүру ақысы қоғамдық көліктердің жолақысының құнымен бірдей, жол жүру билеттері жарамсыз. Матчтан кейін жанкүйерлер қоғамдық көлікке «Барыс Арена» стадионының тұрағынан отыра алады.

Айта кетейік, Kazsport телеарнасы елордалық  «Барыстың» үш кездесуін тікелей эфирде көрсетеді. Бүгінгі трансляцияның басталуы 19:20-да.