Бүгін «Барыс» өз айдынында братиславалық «Слованды» қабылдайды
Бүгін Құрлықтық хоккей лигасы аясында астаналық «Барыс» братиславалық «Слован» командасымен кездеседі. Ойын «Барыс Аренада» өтпек.
Елордалық хоккей клубы Шығыс конференциясының турнирлік кестесінде 34 ұпайымен 9-шы орында болса, словакиялық ұжым «Батыста» 35 ұпайымен 12-ші орында келе жатыр.
Естеріңізге сала кетейік, бұл матчты тікелей эфирде «Kazsport» телеарнасынан тамашалай аласыздар. Сондай-ақ, kazsport.kaztrk.kz сайтында онлайн-көрсетілім жүргізіледі. Трансляция басталуы 19:20-да.
Жеңіске бірге жетейік!
