Бүгін елордалық «Барыс» сырт алаңда «Северстальмен» кездеседі
Бүгін Череповецте елордалық «Барыс» жергілікті «Северсталь» командасымен кездеседі. Чемпионатта командалар бұған дейін Астанада кездескен еді, ол ойында қазақстандық ұжым 2:1 есебімен жеңіске жетті.
«Северстальдің» құрамында жарақаттанған Алексей Угаров, Сергей Монахов және Александр Юксеев ойынға қатыса алмайды. Ал, «Барыс» сапындағы Дастин Бойд пен Константин Пушкарёв жарақатына байланысты, Антон Сизов дисквалификация алуына байланысты кездесуді өткізіп алуға мәжбүр.
Астаналық командада мерейтой - «Барыс» сапында өнер көрсететін қорғаушы Роман Савченко ҚХЛ-дағы 400-ші матчын өткізбек.
Бұл кездесуді «Kazsport» телеарнасынан тікелей эфирде көре аласыздар. Трансляцияның басталуы 21:50-де. Сондай-ақ, kazsport.kaztrk.kz сайттында онлайн-көрсетілім жүргізіледі.
