Атамбаев – таэквондадан 9-шы дан иегері
Ресми сапармен Корея Республикасына барған Қырғызстан президенті Алмазбек Атамбаевқа таэквондодан 9-шы дан иегері атағы берілді, деп хабарлайды president.kg сайты
Сеул қаласында, Дүниежүзілік таэквонда академиясы орталығының президенті Ли Кю Хон Атамбаевқа аталған сертификатты салтанатты түрде табыстады. Мемлекет басшысына және делегация мүшелеріне осы орталықтың спортшылары өз шеберліктерін көрсетті.
Сонымен қатар Академия өкілдерімен болған кездесуде Қырғызстанда таэквондо спортын дамыту мәселелері талқыланды.
Естеріңізге сала кетсек, өткен аптада таэквондодан 9-шы дан иегері атағы Ресей президенті Владимир Путинге берілген еді.
Дүниежүзінде бұл атаққа бірнеше адам ғана қол жеткізген, олардың ішінде АҚШ, Индонезия, Гондурас, Испания, Хорватия және Пәкістан мемлекеттерінің басшылары бар.
