Өзбекстан құрамасы тарихында алғаш рет Әлем чемпионатына шықты
Бүгін олар БАӘ құрамасымен тең ойнап (0:0), Азия аймағының іріктеу турнирінде өз тобында 2-орынды иеленді. Бұл нәтиже Өзбекстанға 2026 жылғы Әлем чемпионатына қатысуға мүмкіндік берді.
10 маусым күні Өзбекстан өз алаңында Катармен кездеседі, алайда бұл матч олар үшін енді маңызды емес.
Азия құрлығында әр топтан (барлығы үш топ) алғашқы екі орынды иеленген командалар 2026 жылғы әлем чемпионатының финалдық кезеңіне тікелей жолдама алады. Ал үшінші және төртінші орын алғандар іріктеудің төртінші кезеңінде бақ сынауды жалғастырады.
