Волейбол. Қазақстандық қыздар үздік бестікке енді
13-21 қыркүйек күндері Таиландтағы Накхонратчасимада волейболдан әйелдер арасындағы Азия чемпионаты өтті. Онда топтық сында Александр Гутор жаттықтыратын қазақстандықтардан 1:3 есебімен ұтылғанымен, 1/8 финалда және ақтық сында Жапония құрамасын жеңген Тайланд волейболшылары жеңімпаз атанды.
Ал ширек финалда қазақстандықтарды сүріндірген Оңтүстік Корея спортшылары қола жүлдені олжалады. Одан кейінгі орынды Қытай, Қазақстан, Вьетнам, Тайбэй, Иран, Австралия, Индонезия, Үндістан, Филиппин, Гонконг, Моңғолия, Шри-Ланка және Мьянма командалары өзара бөлісті.
Екі жылда бір рет өтетін бұл дүбірлі додада бұған дейін Қытай он екі рет, Жапония үш рет Азия чемпионы атанған еді. Енді Тайланд спортшылары араға төрт жыл салып, осымен екінші рет үздік шығып отыр.
