Көркем гимнастикадан Астана қаласының ашық біріншілігі өтті
Астанада көркем гимнастикадан ашық біріншілік өз мәресіне жетті. Жарысқа жергілікті спортшылардан бөлек, еліміздің 6 аймағынан 100-ге жуық гимнаст қатысты.
Қатысушылар сайыс жүлделерін жас шамасына қарай 7 топқа бөлініп сарапқа салды. Екі күн бойы өткен бәсекелер нәтижесінде Екатерина Скорикова, Вероника Лысогор, Динара Ерғалиева, Тұрсынбек Ұлжан, Даяна Әбдербекова, Самира Гусейнова жеңімпаз атанды.
