«БІРГЕ! ЖЕҢІСКЕ!» акциясы өтеді
25 қаңтар күні Астананың орталық саябағында Олимпиадалық жарыстарда Қазақстан құрамасын қолдау мақсатында «БІРГЕ! ЖЕҢІСКЕ!» атты жалпыреспубликалық акция өтпек.
«БІРГЕ! ЖЕҢІСКЕ!» шарасының аясында спорттық ойындар мен қысқы ойын түрлерінен жарыс өткізіледі. Бұл жарысқа Назарбаев орталығының қызметкерлері, физика-математика бағытындағы Назарбаев зияткерлік мектебінің және Астана қаласы Көлік және коммуникация колледжінің оқытушылары мен оқушылары қатысады. Сайыс соңында жеңімпаздарға дипломдар мен медальдар табыс етіледі.
Айта кету керек, «БІРГЕ! ЖЕҢІСКЕ!» акциясы барлық аймақта өткізілмек.
Шараны ұйымдастырушы: ҚР Спорт және дене шынықтыру істері агенттігінің қолдауымен Назарбаев орталығы. Сондай-ақ, акцияға «KAZsport» және Қазақ радиосы ақпараттық қолдау көрсетеді.
