Қазақстанның Олимпиада чемпиондары Алматы Марафонында Нұрсұлтан Назарбаевты қолдайды

2015 жылдың 26 сәуірі алматылықтар мен оның қонақтарына екі маңызды оқиғамен есте қалмақ. Бірі – Қазақстан Президентінің сайлауы және Алматы Марафоны. Әлем спортының жұлдыздары, Қазақстанның Олимпиада чемпиондары бұл күнді өзінің денсаулығы мен елі үшін пайдалы өткізуді дәлелдемек. Алматыдағы баспасөз конференциясында сайлау мен Алматы Марафонына бір ай қалғанда «Астана» президенттік кәсіби спорт клубының мүшелері Нұрсұлтан Назарбаевтың президенттікке кандидатурасын қолдау үшін марафон өткізетінін хабарлады. «Елбасымыздың қолдауының арқасында Қазақстан спорты жаңа сапалы деңгейге шықты. Қазақстандықтардың көбі спортшыларымыздың жетістіктерін бақылап, халықаралық деңгейдегі жарыстарда Қазақстанның әнұраны ойнап, туы желбірегеніне мақтанады. Республикамызда бұқаралық спортты дамытуда да көптеген шаралар қолға алынып жатыр. Салауатты өмір салтының идеясы белсенді дәріптеліп, көптеген спорт нысандары салынуда. Қатысушылар саны жылдан жылға артып келе жатқан Алматы Марафоны да қазақстандықтардың салауатты, спортты өмір салтына ұмтылуын көрсетеді. Президентіміздің спортқа деген осындай көзқарасының арқасында көптеген асуларды бағындырамыз. Қазіргі саясатты ұстануымызды сөзбен ғана емес, іспен де дәлелдеуді шештік. «Астана» ПКСК командасы Президент сайлауында Назарбаевтың кандидатурасын қолдау үшін Алматы Марафонын ұйымдастырады», – дейді «Астана» президенттік кәсіби спорт клубының спорт жөніндегі бас менеджері, Олимпиада чемпионы Юрий Мельниченко. «Астана» ПКСК-ның марафон командасына әлемге әйгілі спортшылар кіреді: грек-рим күресінен Олимпиада чемпионы Юрий Мельниченко, бокстан Олимпиада чемпиондары Бақыт Сәрсекбаев пен Ермахан Ибраимов, классикалық стиль күресінен Олимпиада чемпионы Жақсылық Үшкемпіров, жеңіл атлетикадан Олимпиада чемпионы Ольга Шишигина және ауыр атлетикадан Олимпиада чемпионы Светлана Подобедова. Биыл Орталық Азия мен ТМД елдерінің ірі марафондарының біріне 15 мың жуық адам шығады деп жоспарлануда. Бұл ауқымды спорт шарасына қатысушылардың географиясы үнемі кеңеюде. Былтыр Алматыда АҚШ, Аустралия, Ұлыбритания, Колумбия, Қытай және ТМД елдерінен марафоншылар жиналған.