Дани Жаукин мен Анна Конопкина спорттық биден өткен Әлем кубогында чемпион атанды

Қытай астанасы Бейжіңде спорттық билерден IX Әлем кубогы өтті. Жарысқа солтүстікқазақстандық «Александра» би-спорттық шеберлік мектебінің тәрбиеленушілері қатысқан, деп хабарлайды СҚО Дене шынықтыру және спорт басқармасының баспасөз хатшысы Анна Пенькова. Әлем кубогының үш дүркін чемпиондары Дани Жаукин мен Анна Конопкина бірден екі жас санатындағы жарысқа қатысқан. «Юниор 1» санатына Дани мен Анна еуропалық және латын-америкалық бағдарламадан алтын медаль ұтып алды. Сонымен қатар, олар «Юниор 2» санатындағы латын-америкалық бағдарламада ересек балалар арасында да жеңіске жеткен. «Жастар 1» санатына және «Жастар 2» өз жасынан үлкен екі санатқа және «ересек» санатында сотүстікқазақстандық Мұса Сұлтанов пен Мария Хасанетдинова бақ сынады. «Жастар 1» санатындағы еуропалық бағдарламада Мұса мен Мария бірінші орынды иеленіп, Әлем чемпионы атанды. Бұдан басқа осы жас санатында олар латын-америкалық бағдарламасында күміс жүлдені қанжығасына байлады. «Жастар 2» санатында өздерінің еуропалық бағдарламасымен тағы бір жұп екінші орынды иеленді. Ал ересек қатысушылар стандартты бағдарламамен қола жүлдеге қол жеткізді.