Владимир Смирнов Қазақстанның шаңғы жарысы Ұлттық федерациясының президенті болып тағайындалды
Тәуелсіз Қазақстан тарихындағы алғашқы Олимпиада чемпионы Владимир Смирнов Қазақстанның шаңғы жарысы Ұлттық федерациясының жаңа президенті болып тағайындалды.
Сонымен қатар, В.Смирнов Қазақстанның шаңғы спорты түрлері Ассоциациясының вице-президенті. Ассоциацияны 2015 жылдың 3 мамырынан бастап Өмірзақ Шүкеев басқарады. Осылайша жаңа жұмысқа тағайындалған Ө.Шүкеев федерация президентігіне Владимир Смирновты ұсынған.
Еске сала кетейік, Владимир Смирнов 1994 жылы Лиллехамерде (Норвегия) Олимпиада чемпионы атанған. Сонымен қатар, ол Ойындарда төрт күміс пен екі қола медаль иеленген. Осыған қоса Владимир Смирнов төрт дүркін Әлем чемпионы.
