Қазақстанда веломотокростан ұлттық құрама жасақталады
Римде өткен кездесуде Италия мен Қазақстан велоспорт федерацияларының президенттері Ренато Ди Рокко мен Дархан Қалетаев әріптестік туралы меморандумға қол қойды.
Аталмыш құжатқа сәйкес, екі тарап біріккен оқу-жаттығу жиындарын ұйымдастыруға келісті. Сондай-ақ, италиялық мамандар қазақстандық бапкерлерге әдістемелік қолдау көрсетіп, соның ішінде велоспорттың веломотокросс (BMX) түрін дамытуға атсалысады. Және де біздің бапкерлер Италияның спорттық-жаттығу базаларында оқу курсынан өту мүмкіндігіне ие болады.
