Универсиада-2015. Таэквондошы Нұрсұлтан Мамаев алтын медаль иеленді
Оңтүстік Кореяның Кванджу қаласында өтіп жатқан Жазғы Универсиада ойындарында Қазақстан қоржынына тағы бір алтын медаль түсті.
Таэквондодан 58 келіде сынға түскен Қазақстандық спортшы Нұрсұлтан Мамаев Жазғы Универсияданың чемпионы атанды. Ол – финалда таяуда ғана Әзірбайжан астанасы Бакуде аяқталған І Еуропа ойындарының жеңімпазы – португалиялық Ребело Браганканы 2:0 есебімен ұтты.
Бұл Қазақстан қоржынына түскен төртінші медаль.
Айта кетейік, осыған дейін жүзу спортынан – Дмитри Баландин, жеңіл ателтикадан – Виктория Зябкина 100 және 200 метрге жүгіруден алтын медаль алған.
Еске сала кетейік, «KAZsport» телеарнасы Кванджудағы Универсиада ойындарын тікелей эфирде көрсетуде.
