Азия чемпионаты. Қазақстандық волейболшылар Пәкістан құрамасын 3:2 есебімен ұтты
Бұл күндері волейболдан Қазақстан ерлер құрамасы Иранда өтіп жатқан Азия чемпионатында қатарынан үшінші жеңістеріне қол жеткізді.
Бұл жолы отандастарымыз бес сетке жалғасқан ойында Пәкістан командасынан басым түсті. Кездесу нәтижесі – 3:2 (21:25, 25:20, 18:25, 25:17, 15:12) қазақстандық команданың пайдасына.
Осылайша, 9-16-орын үшін мини-турнирге қатысып жатқан Қазақстан құрамасы кем дегенде 12-ші орынға ілініп тұр.
Келесі ойында олар Үндістан елінің өкілдерімен күш сынаспақ.
