UFC. Роузи – Холм қарымта жекпе-жегі 2016 жылдың 9-шы шілдесінде өтеді
UFC-дің жеңіл салмақтағы бұрынғы чемпионы америкалық Ронда Роузи мен оның отандасы Холли Холм 2016 жылдың 9-шы шілдесінде қарымта жекпе-жек өткізеді.
Еске сала кетейік, Роузи осы жылдың 15-ші қараша күні Мельбурнда өткен жекпе-жекте Холмға нокаутпен ұтылып, жеңіл салмақтағы UFC чемпионы атағынан айырылған еді.
Енді Роузи мен Холм арасындағы реванш Лас-Вегаста ұйымдастырылады. Осыған дейін Роузи екінші рет жеңілетін болса, спорттан кететінін мәлімдеген.
Ал, Холмның менеджері Ленни Фрескес Роузи үшін алаңдаулы. «Алғашқы кездесуде ол қатты таяқ жеді. Сондықтан қарымта жекпе-жек тым ерте ұйымдастырылған сияқты. Ресми тұлғалар Роузи тыңғылықты дайын болады деді, алайда...», - дейді Ленни Фрескес.
