Астанада баскетболдан ұлттық студенттер лигасының чемпионаты аяқталды
Финалға Астана, Алматы және Қарағанды қаласынан келген 8 ерлер және 8 қыздар командасы қатысты.
Ерлер командасының біріншілігіне финалға С.Сейфуллин атындағы Қазақ агротехникалық университетінің (ҚазАТУ, Астана қ.) және Халықаралық ақпараттық технологиялар университетінің (ХАТУ, Алматы қ.) құрамалары шықты. ХАТУ командасы 53-73 есебімен жеңіске жетіп, ҰСЛ-2015 чемпионатының жеңімпазы атанды.
Ал, қыздар арасындағы турнирде Қазақ мемлекеттік қыздар педагогикалық университеті (ҚазМҚПУ) мен Қазтұтынуодағы Қарағанды экономикалық университетінің командалары өзара бақ сынап, алматылық ҚазМҚПУ командасы 50-36 есебімен биылғы жылдың чемпионы атанды.
Жарыстың финалдық ойыны мен салтанатты жабылуы 14 желтоқсанда «Сарыарқа» республикалық велотрегінде өтті.
