Қазақстандық каратэшілер Тбилисиде өткен халықаралық жарыста бір алтын, бір күміс жүлде иеленді
Қазақстандық спортшылар Грузияның Тбилиси қаласында каратэ-до WKF-дан өткен «GEORGIA OPEN» халықаралық турнирінде табысты өнер көрсетті.
БҚО дене шынықтыру және спорт басқармасының мәліметінше, Дархан Темірәлиев 55 келі салмақта чемпион атанса, Даниил Титов 76 келіде күміс жүлдеге қол жеткізді.
Аталмыш жарысқа әлемнің 12 елінен 1500-дей каратэші қатысты.
Оған дейін Д.Темірәлиев Польшада жастар арасында өткен Әлем чемпионатында 2-ші орын иеленген еді.
