Қазақстандық шорт-трекшілер Халықаралық кубоктың күміс жүлдегері атанды

Нидерландының Леуварден қаласында шорт-трек спортынан Халықаралық кубок додасы мәресіне жетті.

Нұрберген Жұмағазиев, Абзал Әжіғалиев, Мерсаид Жақсыбаев, Денис Никиша және Айдар Бекжанов бестігі бұл күндері Голландия елінде жаттығып жатыр. Қысқы спорттан негізгі үміт артар спортшыларымыз өздерінің жаңа маусым алдындағы алғашқы сайыстарына қатысты.

8-9 қазан аралығында «Голландия кубогы» атты Халықаралық турнир өтті. Оған Ұлыбритания, Венгрия, Польша, Германия, Латвия, Израиль және Қазақстан елдерінен 12 құрама қатысты. Қазақстандық шорт-трекшілер эстафетада бақ сынады.

Эстафета сыңында Қазақстан құрамасы 7:09,435 нәтижесімен екінші орынды иеленді. Бірінші және үшінші орындарды голландиялықтар алды. Сәйкесінше 7:09,355 және 7:09,488.

Дерек көзі: dodasport.kz

Фото - dodasport.kz