«Kazsport» телеарнасы Э.Тұрсынбаева қатысатын мәнерлеп сырғанаудан «NHK Trophy» Гран-При сериясын көрсетеді

2016 жылдың 25-27 қараша күндері қазақстандық Элизабет Тұрсынбаева Жапонияның Саппоро қаласында өтетін мәнерлеп сырғанаудан «NHK Trophy» кезеңінде  өнер көрсетеді.

NHK Trophy – финал алдындағы мәнерлеп сырғанаудан «Гран-При» сериясындағы соңғы кезең. Қорытынды желтоқсан айында Францияның Марсель қаласында өтетін финалда шығарылады.    

NHK Trophy мұзына 2014 жылы Олимпиада чемпионы Юдзуру Ханю, жасөспірімдер арасындағы әлем чемпионы канадалық Нам Нгуэн және жұптық сырғанауда алдыңғы қатардағы жерлестері Меган Дюамель мен Эрика Редфордшығады.

Халықаралық жарысқа тағы екі канадалық 2010 жылғы Олимпиада жеңімпазы Тесса Вирчью мен Скотт Мойр қатысады. Биден  қазіргі әлем чемпиондары франциялықтар Габриэлла Пападакис пен Гийом Сисерон бірге бақ сынайды.

Сонымен қатар, үздік фигурист жапондық Сатоко Мияхара қатысады. Ресейде өткен «Гран-При» Rostelecom Cup-2016 барысында жалпы есепте бесінші орынға тұрақтаған қазақстандық Элизабет Тұрсынбаева да жарыс жолына шығады. Қазақстандық спортшы 181,32 балл жинады. Жарыс әйелдер мен ерлер арасындағы жұпсыз сырғанаудан және мұз үстінде билеуден өтті.

Элизабет Тұрсынбаеваның бұған дейін  қазан айының басында Монреальда өткен Autumn Classic International Skate Canada халықаралық турнирінде қола медальға қол жеткізген болатын.

Элизабет Тұрсынбаеваның қатысуымен өтетін халықаралық «Гран-При» трансляциясын спорт жанкүйерлері «Kazsport» телеарнасынан көре алады.  

Трансляциялар кестесі:
25 қараша
13:10 Қыздар. Қысқа бағдарлама

26 қараша 
09:35 Мұздағы би. Қысқа бағдарлама. Live
19:00 Қыздар. Еркін бағдарлама

27 қараша
23:40 Мұздағы би. Еркін бағдарлама