ІІІ Азия Пара ойындары. Қазақстан құрамасы екінші жарыс күнінде 7 медаль жеңді

ІІІ Азия Пара ойындарының екінші жарыс күнінде қазақстандықтар түрлі санаттағы 7 медальге қол жеткізді.

Олардың қатарында 4 күміс жүлдеге ие болғандар: Дмитрий Ли (жүзу, еркін стиль 100 м), Зульфия Габидуллина (жүзу, арқамен 50 м), пауэрлифтерші Давид Дегтярев (54 келіге дейін салмақ дәрежесі) және парадзюдошы Азамат Тұрымбетов (66 келіге дейінгі салмақ дәрежесі).

Ал қола жүлдені қанағат тұтқан отандастарымыздың қатарында жүзгіштер Мансұрбек Ибрашев (100 метрге еркін стильмен) және Сиязбек Далиев (50 метрге арқамен), Пауэрлифтерші Гүлбану Әбдіхалықова (50 келіге дейінгі салмақ дәрежесі).

Қазіргі таңда ел қоржынындағы 9 медальмен Қазақстан құрамасы жалпы есепте 18-ші орында тұр. Үздік үштікті Қытай, Оңтүстік Корея және Өзбекстан бастап тұр.