«QAZSPORT» ТЕЛЕАРНАСЫ СПОРТ КОММЕНТАТОРЛАРЫНА КАСТИНГ ЖАРИЯЛАЙДЫ!
«QAZSPORT» телеарнасы спорттық шаралардың комментаторларын қабылдайды. Кастингтің мақсаты - арнадағы қазақ және орыс тілінде жұмыс істейтін комментаторлар құрамын жаңа есімдермен толықтыру.
Байқауға жасы 22-ден асқан спортты жанындай жақсы көретін, спорт комментаторы болуды армандайтын азаматтар қатыса алады.
Кастинг мынадай спорт түрлерінен өтеді: a) жеке спорт түрлері мен велоспорт, баскетбол, волейбол, регби, хоккей, жекпе-жек, ұлттық спорт түрлері; б) мәнерлеп сырғанау, көркем гимнастика, жүзу сияқты спорт түрлері бойынша комментатор–қыздар мен барлық спорт түрін жетік меңгерген комментаторлар.
Үміткерлер түйіндемелерін kazsporttv.kz@mail.ru электронды поштасына жіберулері керек. Резюмелер 2018 жылдың 4 желтоқсан күні сағат 20:00 ге дейін жеке тұлғаға тіркелген электронды пошталардан ғана қабылданады. Түйіндемелер өңдеуден өтіп, арнайы база құрылады. Қарастырылған түйіндемелерден үміткерлер тізімі анықталып, электронды поштаға немесе қоңырау соғу арқылы кастингке қатысуға шақырту жіберіледі. Үміткерлердің өздерімен бірге жеке куәлігі болуы шарт.
Кастинг 2018 жылы 5-6 желтоқсан аралығында Алматы қаласы, Желтоқсан көшесі, 177 үйінде орналасқан «QAZAQSTAN» телеарнасының ғимаратында өтеді.
