А.Винокуров туралы кітаптың тұсаукесері өтті

Туындыға даңқты шабандоздың өмірі туралы естеліктер, спорттық мансабынан сыр шертетін фотоматериалдар енді. Лондон Олимпиадасының чемпионы Александр Винокуровтың өмірі туралы «Менің алтын мансабым» атты кітап жарық көрді. Туындыға даңқты шабандоздың өмірі туралы естеліктер, спорттық мансабынан сыр шертетін фотоматериалдар енді.

Тиражы 2000 дана кітап қазақ және орыс тілдерінде жазылған. Оқырмандар туындыны еліміздің барлық кітапханаларынан таба алады. Сондай-ақ, бүгін Александр Винокуров атындағы қоғамдық қордың ресми ашылу салтанаты өтті.

Александр Винокуров, «Астана» велокомандасының бас менеджері:

Аталмыш кітапты жазып бітіру үшін бір жыл тынбай еңбек еттік, сондықтан, алғашқы туындымның шығармашылық мазмұнына көңілім толады. Кітаптың жарыққа шығуына атсалысқандар бұл жобаға үлкен жауапкершілікпен қарап, менің спорттық ғұмырыма қатысы бар барлық фотоматериалды табуға тырысты. Бір қызығы, кейбір фотосуреттерді өзім бірінші рет көріп отырмын.