Дмитрий Груздев Азия чемпионатында алтын медаль алды
Бүгін Қарағанды қаласында екінші күн жалғасып жатқан чемпионатта қазақстандық велошабандоз Дмитрий Груздев мәреге бірінші жетті.
Ол ерлер арасындағы 45 шақырым жеке жарыста бақ сынады.
Естеріңізге сала кетейік, кеше Қазақстан спортшысы Екатерина Юрайтис велоспорттан Азия чемпионатында 15 шақырымға жеке жарыста алтын медаль иеленген болатын. Сонымен қатар, Әлішер Жұмахан Азия чемпионатының күміс жүлдегері атанды.
Ауа-райының қолайсыздығына қарамастан жарыс өз уақытында басталды.
