«Джиро д' Италия» бәйгесінің қола жүлдегері Фабио Ару Қазақстанға келеді
«Джиро д' Италия» көпкүндігінің жүлдегері «Астана» велоклубының велошабандозы италиялық Фабио Ару Қазақстанға келеді, деп хабарлайды велокоманданың баспасөз қызметі.
Фабио Ару 19 маусым күні Астана қаласында болып «Астана» велоклубының бас демеушісі - «Самұрық-Қазына» компаниясының басшылығымен, «Астана» президенттік кәсіби спорт клубының жетекшілерімен, Қазақстанның велоспорт федерациясымен, сондай-ақ, «Astanafans» мүшелерімен кездеседі деп жоспарлануда. Ал, 20 маусым күні Алматы қаласына жолға шығады.
Естеріңізге сала кетейік, «Астана» қазақстандық велоклубының мүшесі Фабио Ару «Джиро д'Италия» көпкүндігінде үшінші орын алған болатын.
