Вуэльта – 2014. 10-шы кезеңнен кейін Фабио Ару сегізінші орында
«Astana Pro Team» командасы демалыс күні 10-шы кезеңнің жарыс жолын тексеріп, қиын бұрылыстарды алдын-ала белгілеп алған.
«Жарыс жолының бірінші бөлігі қиын, ал екінші бөлігі техникалық жағынан ауыр болды. Енді біз Фабио Аруға таулы кезеңде көмектесіп, ол үшін уақыт ұтуымыз қажет», - деді Паоло Тиралонго мәреге жеткенде.
Фабио Ару өзінің бар мүмкіндігін пайдаланып, жақсы нәтиже көрсетті. Ол 10-шы кезеңнің жеңімпазы Тони Мартиннен 2 минут қалып қойды.
Осылайша ол өзінің жалпы есептегі 8-ші орынын сақтап қалды. Қазіргі таңда ол, велобәйгенің көшбасшысы Альберто Контадордан 2 минут 27 секунд қалып келеді.
