«Астана» велоклубының капитаны «Тур де Франс» көпкүндігінде төртінші орынға көтерілді

«Тур де Франс» велобәйгесінің 10-шы кезең қорытындысы бойынша «Астана» клубының капитаны Якоб Фульсанг жалпы есепте 4-ші орынға көтерілді.

Анси мен Ле Гран-Борнан қалаларының арасын жалғап жатқан 158,5 шақырымдық таулы-қыратты жолды 4 сағат 28 минут 55 секундта жүріп өткен Якоб мәре сызығын жарыс көшбасшыларымен бірге қиып өтті. Соның нәтижесінде жалпы есептегі жағдайын да жақсартып алды.

Кешегі 10-шы кезеңде командалық жарыста да жағдай жақсарды. «Астана» қазір 22 команданың ішінде 9-шы орында. Алда әлі 11 кезең бар.

Естереңізге сала кетейік, «Тур де Франс» көпкүндігі 29 шілдеге дейін жалғасады.