Палуандар Таразға жиналуда
Сенбі, желтоқсанның 7-сі күні Тараз қаласында «Eurasia Barysy» турнирі өтеді. Халықаралық жарысқа Қазақстан, Моңғолия, Қытай, Ресей, Түркия, Иран, Польша, Тәжікстан құрамалары қатысады. Палуандар олимпиадалық жүйе бойынша 5 салмақ дәрежесінде белдеседі.
«Eurasia Barysy» жақында ғана қолданысқа берілген «Тараз Арена» спорт кешенінде өтеді. Кешен ресми түрде «Eurasia Barysy» турнирімен ашылады.
Жарыстың жалпы жүлде қоры – 100 мың АҚШ доллары. Жекпе-жектер қазақ күресінің ережесімен командалық сипатта болады. «Eurasia Barysy»-ын 118 елдің көрермендері тамашалай алады.
Польша - Кшыштоф Киелбус (60 келі), Себастиан Джаниски (70 келі), Лукаш Блач (80 келі), Камил Козловски (90 келі), Масейдж Сарнаски (100 келі).
Ресей - Сергей Филиппов (60 келі), Андрей Ковалевский (70 келі), Артем Ковалевский (80 келі), Дмитрий Михайлов (90 келі), Алексей Александров (100 келі).
Моңғолия - Ганболд Херлен (60 келі), Санжаасурен Миярагша (70 келі), Ган Тувшинжаргал (80 келі), Серік Бәйкемұрат (90 келі), Сугаржардал Болдпурев (100 келі).
Тәжікстан - Ибодулло Әлибердизода (60 келі), Әзизи Бахтиер (70 келі), Зульфикор Одинаев (80 келі), Олимжон Авезов (90 келі), Зафархон Сайдалимов (100 келі).
Иран Ислам Республикасы - Сохбанберді Сафари (60 келі), Хамид Мирзаи (70 келі), Мехди Вазари, Моджтабу Гадери Гахреманлу (80 келі), Жафар Юнеси Бордж, Мохсен Горбани Абгорг (90 келі), Насыр Сахраи Доулатхане, Масуд Хаджипур Могхаддам Фаруж (100 келі).
Қазақстан - Абзал Арыстанбеков, Амангелді Сатыбалдинов (60 келі), Ерлан Естек, Қуаныш Мұратов (70 келі), Ерсін Мұхамеджанов, Саят Шәмшиев (80 келі), Мұхит Тұрсынов, Бекзат Ахметбеков (90 келі), Бейбіт Ыстыбаев, Айбек Нұғымаров (100 келі).
Түркия - Өмір Фарух Өзбай (60 келі), Мұрат Ышык (70 келі), Мұстафа Жошкун (80 келі), Ердал Доған (90 келі), Бюлент Доған (100 келі).
Қытай - Ериденгбаолига (60 келі), Ли Чанкунг (70 келі), Иерденг Чаокету (80 келі), Фан Жиан (90 келі), Ядир (100 келі).
Ұйымдастырушылардың айтуынша, еліміздің түкпір-түкпірінен және кейбір мемлекеттерден жанкүйерлер келмек. Қазақша күрестен бірінші халықаралық турнирдің барлық билеттері сатылып кеткен. Бұл туралы Жамбыл облысының дене шынықтыру және спорт басқармасының басшысы Гамлет Қайратбеков мәлімдеді. Дегенмен қазақша күрестен І халықаралық турнирді «Қазақстан» және «KAZsport» телеарналарынан тікелей эфирде тамашалауға болады. Сондай-ақ Ресей мен Түркия телеарналары да көрсетпек. Эфирдің басталу уақыты – 13:00 (Астана уақыты).
