Максим Раков Дюссельдорфте өткен Гран-придің күміс жүлдегері
Қазақстандық дзюдошы Максим Раков (100 келі) Германияның Дюссельдорф қаласында өткен Гран-приде екінші орын алды. Ол финалдық жекпе-жекте бразилиялық Лучано Корреамен белдесуі тиіс еді. Алайда қазақстандық дзюдошы ақтық белдесуден бас тартып, екінші орынды қанағат тұтты.
Бұл салмақтағы қола жүлде тағы бір бразилиялық спортшы Рафаэл Бузакарини жеңіп алды. Ол моңғолиялық Тувшинбаяр Найданнан басым түсті.
Германияда өткен Гран-приде қалған қазақстандық дзюдошылар жеңіс тұғырынан көріне алмады.
Елдос Сметов, Рүстем Ибраев және Дастан Ықыбаев турнирде бесінші орынға ие болды.
