Грек-рим күресінен республикалық турнир аяқталды
Таразда Олимпиада чемпионы Жақсылық Үшкемпіровтың жүлдесі үшін грек-рим күресінен жастар арасында ашық республикалық турнир өтті. Аталған жарыста еліміздің барлық аймағымен қатар, Қырғыз елі мен тәжіктер және Ресейдің бірнеше аймағынан палуандар келіп, бақ сынады.
Тартысты белдесуде өз салмақтарында семейлік Ернұр Фидахметов, Төлеген Кемалов, Нұржан Қарабаев, Дінмұхамед Есмұрзаев пен Талғат Жиентаев алтын жүлде иеленді.
Осы сында жеңімпаз атанғандар Ұлттық құрама сапына алынады. Сонымен қатар, биыл Хорватияда жастар арасында өтетін Әлем чемпионатында бақ сынайды.
