Таразда халықаралық турнир өтеді
26-27 шілде күндері Тараз қаласында Дінмұхамед Қонаевты еске алуға арналған еркін күрестен халықаралық турнир өтеді. Үшінші мәрте халықаралық деңгейде өткізілгелі тұрған бәсеке 2013 жылдан бастап FILA күнтізбесіне енгізілген.
Жамбыл облыстық күрес федерациясының ұйымдастыруымен аталмыш турнир «Тараз-Арена» спорт кешенінде өткізіледі. «Былтыр Қонаев турниріне оннан аса ел қатысқан болса, биыл олардың саны артуы мүмкін», - дейді ұйымдастырушылар.
Қазақстан құрамасы 8 салмақ дәрежесі бойынша 1-5 нөмірлі балуандардардан құралған үлкен құраммен өнер көрсетпек.
