Қазақстандық спорт ардагері еркін күрестен Әлем чемпионатында күміс жүлде иеленді

Қарағандылық Серікбай Нұрмағамбетов ардагерлер арасындағы еркін күрес бойынша Әлем чемпионатының күміс жүлдесін иеленді, деп хабарлайды Қарағанды облыстық дене тәрбиесі және спорт басқармасының баспасөз қызметі. С.Нұрмағамбетов Белградта (Сербия) ардагерлер арасында еркін күрес бойынша өткен Әлем чемпионатында Қазақстан Республикасы құрамасының құрамында сапында қатысқан болатын. Қарағандылық спортшы турнир финалына жетіп, 69 келі салмақта чемпионаттың күміс медалін жеңіп алған. Серікбай Нұрмағамбетов Құрылыс кентінде тұрады. Ақжар орта мектебінде дене тәрбиесі пәнінің мұғалімі. Сондай-ақ балалар мен жасөспірімдерге арналған спорт мектебінің бапкері. Фото: inform.kz