Арман Оспанов спорттық және жауынгерлік самбодан Әлем Кубогының ең үздік спортшысы атанды
Қазақстандық Арман Оспанов Алматыда спорттық самбодан өткен Әлем Кубогында жеңімпаз атанды. «Арман Оспанов Әлем Кубогының ең үздік спортшысы атанып, бас жүлде – автокөлікке ие болды», - дейді бас бапкер Асылбек Кәкенов. Оның айтуынша, әлемнің 21 елінен келген 400 самбошы қатысқан турнирдің нәтижесі бойынша Қазақстан құрамасы 5 алтын, 7 күміс және 14 қола жүлдеге қол жеткізді. Алматыда өткен самбодан Әлем Кубогының барлық жекпе-жектерін «KAZsport» телеарнасының мұрағатынан көре аласыздар.
