Ядыгер Имам Кубогы. Қазақстандық палуандар бірінші күні төрт жүлде иеленді
Иранның Машад қаласында кадеттер арасында еркін күрестен «Ядыгер Имам» Кубогы сарапқа салынуда.
Алғашқы күні қазақстандық палуандар төрт жүлде иеленді. 50 келі салмақтағы Джавохир Ырыстаев қола медаль алса, 58 келідегі Қуаныш Дүйсенқұл финалдық сында ирандық Әмір Хуссейнді жеңді.
Одан бөлек 69 келідегі Әбдіқадыр Әбдіғаппар жергілікті Әли Савакухиді жеңіп, алтын медаль иеленді. Ал, 85 келіде күрескен Қуаныш Қарабек қола жүлде жеңіп алды.
Жарысқа 13 елдің құрама командасы қатысуда.
