Алматыда Дәулет Тұрлыхановтың жүлдесі үшін күрестен дәстүрлі турнир өтеді
27-29 наурыз аралығында Алматыда қазақтың аты шыққан палуаны, Республикалық Күрес федерациясының құрметті президенті, белгілі қоғам қайраткері Дәулет Тұрлыхановтың жүлдесіне дәстүрлі жарыс өтетін болады.
Республикалық бәсеке біріктірілген күрес әлемінің ережесі бойынша он салмақ дәрежесінде өтеді. Жыл сайын Дәулет Тұрлыхановтың жүлдесіне ұйымдастырылатын жарысқа үздік күрес шеберлері жиналып, жеңімпаздарды анықтайды.
Жас спортшылар үшін бұл жарыс үлкен спортқа деген бірден-бір жол, бірден-бір мүмкіндік болып табылады. Жасөспірімдер үшін бұл дода халықаралық жарыстарға іріктеу ретінде болмақ.
