2016 жылы Астанада күрес түрлерінен Олимпиада ойындарына лицензиялық жарысы өтеді
2016 жылы Астанада күрес түрлерінен Азия құрлығы бойынша Рио-де-Жанейро Олимпиадасының лицензиялық жарысы өтеді.
Қазақстан бұл турнирді өткізу үшін 2014 жылы ұсыныс білдірген. Нәтижесінде, Дүниежүзілік күрес ұйымы комиссиясының шешімі бойынша финалға Астана мен Ұланбатыр шығып, соңында Елорда жеңіске жеткен.
Айта кетейік, 2014 жылдың қараша айында Қазақстанға ресми сапармен Біріккен күрес федерациясының вице-президенті Ахролджан Рузиев келіп, жарыс өтетін спорт объектімен танысып, ҚР Мәдениет және спорт министрлігі, Конфедерация мен Федерацияның басшылықтарымен кездесулерді өткізген.
