Қазақстандық палуандар Әзірбайжан Күрес федерациясы Кубогында бақ сынайды
16-19 сәуір аралығында Бакудегі Гейдар Алиев атындағы спорттық-концерттік кешенде еркін және грек-рим күресі бойынша жасөспірімдер мен жастар арасында Әзірбайжанның Күрес федерациясы Кубогы өтеді.
Бакуде маусым айында өтетін бірінші Еуропа ойындарындағы күрес жарыстарына қатысу сынағы сипатындағы турнирге Әзірбайжаннан басқа, Қазақстан, Украина, Иран, Өзбекстан, Грузиия, Словакия, Түрікменстан, Венгрия, Қырғызстан, Ресей, Беларусь және Түркия елдерінің палуандары қатысады, деп хабарлайды azerisport.com.
Дода бағдарламасына сәйкес грек-рим стиліндегі жасөспірімдер боз кілемге 16 сәуірде, еркін күрес бойынша 18 сәуірде, ал жастар грек-рим стилінен 17 сәуірде, еркін күрестен 19 сәуірде бақ таластыратын болады.
inform.kz
