Татьяна Аманжол мен Айым Әбділдина Азия чемпионатында қола медаль иеленді

Күрес түрлерінен Катарда өтіп жатқан Азия чемпионатында әйелдер арасында қазақстандықтар әзірге екі медаль еншіледі. Татьяна Аманжол күрес түрлерінен Катарда өтіп жатқан Азия чемпионатында қола медаль жеңіп алды. 48 келі салмақ дәржесінде сынға түскен Татьяна алғашқы кездесуінде өзбекстандық Дәулетбике Яшимуратовадан басым түсті. Келесі белдесуінде қазақстандық спортшы қытайлық қарсыласын ұтты. Алайда, жартылай финалға үндістандық палуан қызға жол берді. Қола медаль үшін өткен кездесуде Татьяна Аманжол Моңғолия елінің өкілі Цогбатаар Бямбазаяны жеңіп, үздік үштіктен орын алды. Ал, 58 келі салмақ дәрежесінде белдескен Айым Әбділдина қола медаль еншіледі. Үшінші орын үшін кездесуде Айым Оңтүстік Кореяның өкілін 3:0 есебімен ұтып, континенталды жарыстың қола жүлдесіне ие болды.