Досжан Картиков грек-рим күресінен Азия чемпионы атанды
Тайландта күрес түрлерінен басталған Азия чемпионатының бірінші күнінде қазақстандық палуандар 1 алтын, 1 күміс және 2 қола медаль иеленді.
Грек-рим күресі бойынша 75 келіде сынға түскен Досжан Картиков финалда өзбек палуанын жеңіп, Азия чемпионы атанса, 66 келідегі палуан Асхат Жаңбыров финалда оңтүстіккореялық спортшыдан жеңіліп, күміс медаль еншіледі. Ал, Асхат Ділмұхамедов (80 келі) пен Дамир Күзембаев (130 келі) Азия біріншілігінң қола жүлдегері атанды.
Азия чемпионатына 20 елден 270-ке жуық палуан келген. Тек, Қазақстан, Қытай, Үндістан, Жапония және Қырғыз республикасының палуандары толық құрамда қатысып жатыр.
Чемпионат 21-ақпанда аяқталады.
