Дзюдодан Алматыда өтетін «Grand Prix» жарысына 40 елдің спортшылары қатысатынын растады
13-15 мамыр аралығында Алматы қаласында лицензиялық «Grand Prix» жарысы өтеді. Қазіргі кезге дейін турнирге 40 мемлекеттің спортшылары қатысатынын растады. Айта кетейік, тіркелу әлі жалғасып жатыр.
Қазақстанда өтетін «Grand Prix» - Олимпиадаға жолдама алу үшін ұпай беретін халықаралық турнирлердің соңғысы. Осыдан кейін олимпиадалық жолдама үшін ұпайлар беретін «World Masters» турнирі ғана өткізіледі.
Алматыдағы жарыс Балуан Шолақ атындағы спорт сарайында ұйымдастырылады.
