Жастар арасындағы азия чемпионатында қазақ балуандары 4 қола жеңіп алды

Үндістанның Нью-Дели қаласында жастар арасында Азия чемпионаты басталды. Күрестің үш түрінен өтетін құрлық біріншілігі апта соңына дейін жалғасады.

Жарыстың бірінші күні бозкілемге шыққан грек-рим күресінің балуандары бес салмақта жеңімпаздар мен жүлдегерлерді анықтады. Жас балуандарымыз бұл сында ел қоржынына төрт қола медаль салды.

55 келі салмақта күрескен Арслан Абдурахманов жартылай финалда үнді балуанынан 10:15 есебімен жеңіліп қалды. Есесіне, қола медаль үшін болған айқаста жапон балуанын жеңді. Тартысты өткен белдесу 8:7 есебімен Арсланның пайдасына шешілді.

 

63 келідегі Тілек Әсембаев ширек финалда ирандық балуаннан ұтылғанымен, қола медаль үшін болған белдесуде түркіменстандық балуаннан 6:1 есебімен айласын асырды.

87 келідегі Санжар Темірбек пен 130 келідегі Антон Савенко да Азия чемпионатының қола медаліне ие болды. Санжар алғашқы айналымда 9:0 есебімен өзбек балуанын жеңді. Ал жартылай финалда қытай балуанынан 2:4 есебімен ұтылды. Қола медаль үшін болған шешуші белдесуде қырғыз балуанына еш мүмкіндік қалдырған жоқ – 9:0.

Аса ауыр салмақтағы Антон Савенко бірінші белдесуінде 1:2 есебімен Иран балуанына ұтылды. Бірақ, қола медаль үшін күресте Қытай балуанын 8:0 есебімен жеңді.

 

Жарыстың бірінші күні сарапқа салынған бес салмақтың бас жүлдесіне Иран мен Үндістан балуандары ие болды. Иранның жас балуандары 4 салмақта (55, 63, 87, 130) топ жарса, Үндістанға 77 келі салмақтың бас жүлдесі бұйырды. Өкінішке қарай, бұл салмақта күрескен Даулет Жалғасов жүлдесіз қалды.

 

olympic.kz

Танымал жаңалықтар

Соңғы жаңалықтар

«Қайрат» пен «Ақтөбенің» Чемпиондар Лигасындағы жаңа қарсыластары анықталды
Конькимен жүгіруден әлем Кубогіне қатысатын қазақстандықтар анықталды
Қазақстан U-19 жасөспірімдер құрамасының аға жаттықтырушысы болып Александр Кузнецов тағайындалды
«Динамо» (Мәскеу) – «Барыс» матчының тікелей трансляциясы «QAZSPORT» телеарнасында
«Йокерит» - «Барыс» матчының тікелей трансляциясы «QAZSPORT» телеарнасында
«Барыс» өз алаңында «Салават Юлаевтан» жеңіліс тапты
«Барыс» – «Салават Юлаев» матчының тікелей трансляциясы «QAZSPORT» телеарнасында
Doha Masters 2021: Дзюдодан әлемдік бәсекенің тікелей көрсетілімі «QAZSPORT» телеарнасында
Қазақстан құрамасы UEFA рейтингінде төртінші орынға ие болды
«Барыс» өз алаңында «Сибирьден» ұтылды
Волейболдан Қазақстан чемпионаты. 27 желтоқсан. Шолу
Дзюдодан ерлер мен әйелдер арасындағы Қазақстан чемпионаты аяқталды
«Куньлунь Ред Стар» - «Барыс» матчының тікелей трансляциясы
«QAZAQSTAN» және «QAZSPORT» телеарналары Головкин-Шеремета жекпе-жегін тікелей эфирде көрсетеді
«QAZSPORT» телеарнасы футболдан 2022 жылғы Әлем чемпионатына іріктеу турнирінің жеребе тарту рәсімін тікелей эфирде көрсетеді
«Барыс» – «Локомотив» матчының тікелей трансляциясы
Чемпиондар лигасының форматы өзгеруі мүмкін
Нұр-Сұлтанда теннистен жасөспірімдер арасында халықаралық турнир басталды
Футзалдан ел біріншілігінің екінші айналым нәтижелері белгілі болды
«Барыс» өз алаңында «Сочиді» жеңді