Еуро-2015 (U-21). Қазақстан құрамасы «Астана аренада» Арменияны қабылдайды.
Футболдан Еуропа чемпионатының іріктеу ойындарында Қазақстан жастар құрамасы 11-тамызда Армения командасын қабылдайды. Жерлестереміз бұл бәсекеге дайындықты жыл басынан бері күшейткен болатын. Ұлтттық құраманың аға жаттықтырушысы Сергей Воровскийдің айтуынша жігіттердің дайындығы жаман емес. Тек, команданың үздік ойыншысы Дмитрий Мирошниченко аяғынан жарақат алып, ойынға қатыса алмайды. Бірақ, қарсылас команданың айла тәсілін жерлестереміз жетік меңгергендіктерін жеткізді. Астана-Арена стадионында өтетін бәсекені тегін тамашалауға болады Ал, бас ақпараттық қолдаушы «Қазақстан» ұлттық арнасымен «KAZsport» телеарнасынан осы кездесуді сағат 18:50-де тікелей эфир арқылы тамашалай аласыздар. Қазақстандық жастар Еуро-2015 іріктеу турнирінің алғашқы ойынында қонақта Беларусь құрамасын 1:0 есебімен жеңген болатын.
