Бразилиялық футболшылар Қазақстан азаматтығын алды
Мини футболдан алматылық «Қайраттың» ойыншылары - 27 жастағы Леонардо де Мело Виера Лейте мен 26 жастағы Леонардо Мендонка да Роса Қазақстан азаматтығын алды. Енді Игита мен Лео ұлттық құрама сапында ойнауы мүмкін.
Бұған дейін еліміздің азаматтығын алған бразилиялық қақпашы Игита ұлттық құраманың жейдесін киген болатын. Ол 3 наурыз күні Өзбекстанға қарсы өткізген жолдастық кездесуде алғаш рет алаңға шықты.
Дегенмен Игита мен Лео Латвияда өтетін іріктеу ойындарына қатыса алмайды. Оларға жеке куәлік дайындалғанымен, қазақстандық төлқұжат әзірленіп үлгермеген. Ал УЕФА Кубогында «Қайрат» құрамында қазақстандық футболшылар ретінде алаңға шықты.
