Қазақстан құрамасы бүгін Еуропа чемпионатына іріктеу сынында алғашқы матчын өткізеді
Біздің құрама Данияның Эсьберг қаласына ат басын тіреді. Бұл жақта 2013 жылдың 26 қыркүйегі мен 1 қазаны аралығында европа біріншілігінің іріктеу матчтары өтеді. Қазақстан жасөспірімдер құрамасы (U-17) - «Қазақстан Президенті Кубогі - 2013» және «УЕФА Дамыту Кубогі - 2013» иегері. 12-ші іріктеу тобына түскен біздің жігіттердің қарсыластары - Австрия, Швейцария және алаң иелері - Дания. Іріктеудің бірінші айналымында УЕФА қауымдастығына мүше 54 елдің 52-і сайысқа түседі. Құрамалар 13 топқа бөлінген. Әр топтың екі үздігі және үшінші орындардың арасынан ең жақсы нәтиже көрсеткен құрамалар рейтинг көшбасшысы Германиямен қатар 2014 жылдың көктемінде жоғары раундта ойнайтын болады. Мальтада өтетін ақтық сынға небәрі жеті жолдама ойнатылады. Ал алаң иелері іріктеу сындарынан босатылған.
