Еуропа чемпионатына 12-ші іріктеу тобының кездесу кестесі белгілі болды

12-ші топта Қазақстан, Дания, Швейцария және Австрия ойнайды Футболдан 17 жасқа толмаған (U-17) жасөспірімдер арасындағы Европа чемпионатына 12-ші іріктеу тобының кездесу кестесі белгілі болды Қазақстан құрамасы алғашқы ойынын 26 қыркүйек күні Данияда алаң иелерімен өткізеді. Ал бұл күні топтағы өзге қарсыластар - Швейцария мен Австрия өзара бақ сынасады. 28 қыркүйек күні Қазақстан мен Швейцария, Дания мен Австрия кездеседі. Іріктеу тобындағы соңғы ойын 1 қазан күні өтеді. Қазақстан Австриямен кездесіп, Швейцария мен Австрия құрамалары да кім мықтыны анықтайды. Қазақстан құрамасының аға жаттықтырушысы Константин Фролов Европа чемпионатының іріктеу ойындарына келесі ойыншыларды шақырды: Қақпашылар: Егор Цуприков («Болат АМТ», Теміртау), Олег Грубов («Қайрат», Алматы). Қорғаушылар: Рүстем Әбдіразақов («Ботафого» Бразилия), Шыңғысхан Асылханұлы («Астана»), Тимур Балтабаев («Қайрат» Алматы), Дильшат Саидназаров (ЦСКА, Алматы), Сұлтан Әбілғазы («Энергетик», Көкшетау). Жартылай қорғаушылар: Демият Сламбеков («Ботафого» Бразилия), Әлихан Жолбарысов («Қайрат» Алматы), Фарух Мирсалимбаев («Ботафого» Бразилия), Аршат Мамешев («Тараз»), Валерий Андреев («Атырау»), Рашид Люхай («Қайрат» Алматы), Максим Котов («Қайрат» Алматы), Максим Гладченко («Тараз»), Рамир Хасанов (ЦСКА Алматы). Шабуылшылар: Жасұлан Елеусіз («Ордабасы» Шымкент), Владислав Васильев («Ботафого» Бразилия). Жаттықтырушылар құрамы да анықталды: аға жаттықтырушы - Константин Фролов, аға жаттықтырушының көмекшісі - Александр Кузнецов, қақпашылардың жаттықтырушысы - Игорь Куляш, дәрігер - Геннадий Ахметов, массажист - Денис Вечирко, әкімшілік басқарушы - Владимир Горячий, менеджер - Олег Бутенко